[i 554]
DE LA VILLE DE PARIS.
297
par mort, resignation ou autrement, et en rappor­tant lesd. Lettres patentes comme dict est, sera de livré lad. somme de troys cens escuz.
"Et a esté ordonné par mesd. Srs que la presente sera enregislrée."
DLXI. — Lettres de par la Ville au Roy, cy après insérées.
9 juin 1554. (B fol. 333 v°.)
"Il vous a pleu par cy devant nous faire rendre par les Commissaires et Procureurs ad ce par vous commis et deputez par vos Lettres patentes, le revenu et esmolument des greniers à sel de Cbaaslons et de Sezanne, sur lesquelz avec autres nous avons constitué rentes à la raison du denier douze aux particuliers qui ont subvenu à voz affaires; et com­bien que les lettres qu'il vous a pleu sur ce ordonner ont esté leues et publiées en vostre Court de Par­lement, Chambre des Comptes et Generaulx des Aydes, neantmoings le General de la charge, qui est La Chesnaye, n'a voulu bailler son attache à ung sergent de ceste Ville pour ce envoyé par devers luy; ains a envoyé la responce dont nous vous envoyons la coppie que partie desd, greniers de Chaaslons et de Sezanne estoient engagez pour le rachapt des rentes desd, lieux : celuy de Chaaslons pour n m. livres, et celuy de Sezanne pour m. livres : jusques ad ce que nous vous eussions faict entendre led.
engagement, il ne pouvoit procedder ii lad. veriffi­cation, qui importe beaucoup à voz affaires (]) ; Cal­des rentes que nous avons constituées dernierement à payer'2', et y aura de grandes cryries sur nous par ceulx à qui nous les avons constituées : par quoy nous vous supplions y avoir esgard et y donner telle provision qu'il n'en puisse advenir inconve­nient.
"Quant il vous plaira en escripre aud. General, nous pensons qu'il fera ce que vous luy en man­derez.
Sire,
"Nous prirons Nostre Createur vous donner sa grace et en parfaitte santé trés longue et trés heu­reuse vye.
"AParis, le ix" jour de Juing 1554.
"Voz trés humbles et trés obéissans subjectz et serviteurs,
"Les Prevost des Marchans et Eschevins de la Ville de Paris. "
DLXII. — Lettres à Monseigneur le Connestarle de par la Ville,
POUR L'EFFECT QUE DESSUS. 9 juin 1554. (B fol. 334 v°.)
Monseigneur, «Nous escripvons au Roy pour ung affaire qui est de merveilleuse importance pour le service dud. S-p et auquel il est besoing de donner ordre comme vous le saurez trop mieulx, faire, faisant escripre ung petit mot de lettres à Monsieur le General en la charge de Champagne, le sr de La Chesnaye, soubz la généralité duquel sont les greniers de Chaaslons et de Sezanne, le revenu et esmolument desquelz nous a esté vendu par les Commissaires ad ce com­mis par le Roy, et sur iceulx avons constitué rentes au denier douze, aux particuliers qui ont fourny deniers pour subvenir aux affaires dud. Sgr. Led. Ge­neral a délayé de bailler son attache, jusques ad ce que nous eussions adverty led. S-r et Mess™ de son Conseil pour l'engagement qui a esté faict sur lesd.
greniers pour le rachapt des cens et rentes, assavoir : celuy de Chaaslons de u m. livres et celluy de Se­zanne pour mil livres M.
"Qui est la cause que nous en avons escript au Roy et à vous, autrement nous demourerions courts de lad. somme de iii m. livres, et demoureroienl les rentes sur iceulx constituées à estre payées, et per­drions tout nostre credit : qui seroit ung dommage tel que vous entendez trop mieulx. Monseigneur,
«Nous prirons Nostre Createur qu'il vous doint cn santé trés longue et trés heureuse vye.
"A Paris, le ix0 jour de Juing 1554.
"Voz trés humbles obéissans serviteurs,
"Les Prevost des Marchans et Eschevins de Paris."
O Tout ce passage se rapporte à l'article ci-dessus DXLVI; voir aussi l'article DLIX. (!) Sic en l'original, où il semble qu'il y ait une lacune.
38
tuprimrni k nationale.